შპს „ბაუფლექსი“ წარმოადგენს „ნეოტექის“ ჯგუფში შემავალ კომპანიას, რომელიც დაფუძნდა 2018 წლის იანვარში და რომლის მთავარ საქმიანობას წარმოადგენს იატაკების, შეკიდული ჭერების, თბო და ჰიდროიზოლაციის თანამედროვე სამშენებლო მასალებისა და სისტემების იმპორტი-რეალიზაცია და ინსტალაცია ევროპული (ძირითადად გერმანული) სტანდარტების შესაბამისად.
2015 წლიდან კომპანიის დაფუძნებამდე, ამ საქმიანობასთან დაკავშირებული ტექნოლოგიების დანერგვა და განვითარება დაიწყო შპს „ნეოტექის“ ბაზაზე („ნეოტექი“ წარმოადგენს საქართველოს უსაფრთხოების ბაზრის ერთ-ერთ ლიდერს). მიმართულება იმდენად მოთხოვნადი აღმოჩნდა და სწრაფად გაფართოვდა, რომ ამ საქმიანობის დაწყებიდან 2 წლის თავზე დღის წესრიგში დადგა შპს „ნეოტექისაგან“ აღნიშნული არაპროფილური მიმართულების გამოყოფისა და ახალი კომპანიის შექმნის საჭიროება.
კომპანიის საქმიანობის ძირითადი მიმართულებები
- თანამედროვე ელასტიური (ვინილი, ლინოლეუმი), რბილი (ქსოვილისგან დამზადებული) და პოლიმერული იატაკები;
- აკუსტიკური და დიზაინერული შეკიდული ჭერები;
- განათებების გადაწყვეტილებები და პროდუქტები ექსტერიერისა და ინტერიერისათვის;
- სამშენებლო ქიმია და იატაკის საფარის მოვლა-აღდგენის საშუალებები;
- გაფრქვევითი ტიპის თბო და ჰიდროსაიზოლაციო სისტემები;
ჩვენი მთავარი უპირატესობები
- სრული სერვისი - ბეტონის ფილიდან იატაკის საფინიშო საფარის დაგებისა და მისი მოვლისათვის საჭირო საშუალებების მიწოდების ჩათვლით, რაც მოიცავს ბეტონის ფილის ზემოთ შემავსებელი ფენის (მათ შორის თბო და/ან ხმის საიზოლაციო ფენის) და ქვიშა-ცემენტის მოჭიმული იატაკის მოწყობას, იატაკის საფარის დაგებისათვის საფუძვლის მომზადებას (თვითსწორებადი ფენის დასხმის ჩათვლით) და იატაკის საფარის დაგებას;
- სამუშაოების განხორციელება ევროპული (ძირითადად გერმანული) სტანდარტების მიხედვით;
- უმაღლესი ხარისხის, წამყვანი ევროპული მწარმოებლების მასალები, სამშენებლო ქიმია და მოვლა-აღდგენის საშუალებები;
- თანამედროვე მატერიალურ-ტექნიკური ბაზა (დანადგარები, ინსტრუმენტები და ხელსაწყოები);
- კლიენტის მოთხოვნასა და ბიუჯეტზე მაქსიმალურად მორგებული, ევროპული სტანდარტების შესაბამისი სისტემები და მათი ინსტალაცია;
- 40-მდე კვალიფიციური ინსტალატორი, რომლებიც ყოველწლიურად გადიან ჩვენი პარტნიორი კომპანიების ტექნიკური-საინჟინრო პერსონალის მხირდან ჩატარებულ შესაბამის ტრენინგებსა და სემინარებს. ამასთან, აღსანიშნავია, რომ ეს ინსტალატორები წარმოადგენენ კომპანიის შტატიან თანამშრომლებს და ჩვენს საქმიანობასთან დაკავშირებული არც ერთი პროექტის შესრულებისას, არ ვიყენებთ თვითნასწავლ ხელოსნებს;
- თანამშრომელთა (ძირითადად საინჟინრო-ტექნიკური პერსონალი) მუდმივი გადამზადება საზღვარგარეთ, ასევე უცხოელ პარტნიორთა ვიზიტები საქართველოში და კომპანიის თანამშრომელთათვის ტექნიკური ტრენინგების ჩატარება;
- არასტანდარტული საგარანტიო ვადა და პირობები მასალისა და გაწეული მომსახურების ხარისხზე.